नेकपा (एमाले) को केन्द्रीय कमिटीको दोस्रो बैठक मंसीर २५ र २६ गते बस्ने

काठमाण्डौं, २०७८ मंसिर १५ गते बुधबार । नेपाल कम्युनिष्ट पार्टी (एमाले)को नव निर्वाचित केन्द्रीय कमिटीको दोस्रो बैठक मंसिर २५ र २६ गते बस्ने भएको छ । चीतवनको सौराहामा सम्पन्न १०औं महाधिवेशनबाट नवनिर्वाचित एमाले अध्यक्ष केपी शर्मा ओलीको अध्यक्षतामा केन्द्रीय कमिटीको पहिलो बैठक सोराहामा हिँजो मंगलबार बसेको थियो ।

दोस्रो बैठक भने मंसिर २५ र २६ गते तोकिएको ओलीले बताउनुभयो । दोस्रो बैठकले स्थायी कमिटी, पोलिटब्यूरो गठनका साथै पार्टीको कार्यक्रम समेत तय गर्ने उहाँले जानकारी दिनुभयो ।

चितवनको सौराहमा मंगलबार भएको निर्वाचनले केपी शर्मा ओलीको नेतृत्वमा ३०१ सदस्यीय कमिटी चयन गरेको थियो ।