कृषि तथा वन विज्ञान विश्वविद्यालयको रजिष्ट्रारमा डा. पाल नियुक्त   

काठमाण्डू, २०८१ पुस १७ गते बुधबार । प्रधानमन्त्री एवं कृषि तथा वन विज्ञान विश्वविद्यालयका कुलपति केपी शर्मा ओलीले कृषि तथा वन विज्ञान विश्वविद्यालयको रिक्त रजिष्ट्रारमा प्रा डा पुष्करबहादुर पाललाई नियुक्त गर्नुभएको छ । सोही विश्वविद्यालयमा कार्यरत डा. पाल पशु चिकित्साविज्ञ हुनुहुन्छ ।

राससका अनुसार विश्वविद्यालयका उपकुलपति प्रा.डा. शारदा थपलियाको सिफारिसमा कुलपति ओलीले आज डा. पाललाई नियुक्त गर्नुभएकोे हो । चितवनको रामपुरस्थित सो विश्वविद्यालयमा करिब चार हजार विद्यार्थी अध्ययनरत छन् ।