पूर्वराष्ट्रपति भण्डारीद्वारा शोक व्यक्त  

काठमाण्डू, २०८१ पुस १२ गते शुक्रबार । पूर्वराष्ट्रपति विद्यादेवी भण्डारीले भारतका पूर्वप्रधानमन्त्री डा. मनमोहन सिंहको निधन भएकामा गहिरो शोक व्यक्त गर्नुभएको छ ।

“मित्रराष्ट्र भारतका पूर्वप्रधानमन्त्री डा.  सिंहको निधनको खबरले म अत्यन्त दुःखी भएको छु”, पूर्वराष्ट्रपति भण्डारीले भन्नुभयो । उहाँले नेपाल र भारतको आपसी हितका विषयमा सिंहसँग भएका संवाद सम्झिरहेको समेत उल्लेख गर्नुभएको छ ।

राससका अनुसार  “भारतको अर्थतन्त्र सुधारका शिल्पकारसमेत मानिनु हुने प्रख्यात अर्थशास्त्री, शालीन व्यक्तित्वका धनी डा. सिंहको निधनबाट नेपालले एक सच्चा मित्र गुमाएको छ । स्वर्गीय सिंहप्रति भावपूर्ण श्रद्धाञ्जली अर्पण गर्दै परिवारमा समवेदना प्रकट गर्दछु”, उहाँले भन्नुभएको छ । सिंहको ९२ वर्षको उमेरमा निधन गए राति निधन भएको हो ।