कोरोना संक्रमणबाट मृत्यु हुनेको संख्या ६५ हजार नजिक, संक्रमितको संख्या १२ लाख नाघ्यो

काठमाडौं, २०७६ चैत २३ गते आईतबार

महामारीको रुपमा विश्वभरी फैलिएको कोरोना भाइरसको कारण मृत्युहुनेहरुको संख्या ऐले विहानसम्म ६४ हजार ६ सय एकानब्बे पुगेको छ ।

त्यसैगरी संक्रमितहुनेहरुको संख्या १२ लाख १ हजार ४ सय ७३ पुगेको छ । विविसीका अनुसार हालसम्म २ लाख ४६ हजार ३ सय ८३ मानिस उपचारपछि फर्किएका छन् ।

विश्वको सर्वशक्तिमान देश अमेरिका कोरोना भाइरसको संक्रमणबाट नराम्ररी थलिएको छ । अत्याधुनिक हातहतियार उत्पादनदेखि चन्द्रमासम्म अधिकार जमाउन सफल अमेरिकी प्रशासनलाई कोरोना भाइरसले आच्छु आच्छु पारेको छ । पछिल्लो तथ्याङ्क अनुसार अमेरिकामा कोरोना भाइरसको संक्रमणबाट ज्यान गुमाउनेहरुको संख्या ८ हजार ४ सय ५२ पुगेको छ भने संक्रमितहरुको संख्या ३ लाख १३ हजार ५७ जना रहेको छ । २४ घण्टामा अमेरिकामा यही भाइरसको कारण १ हजार ४८ जनाले ज्यान गुमाएकाछन् ।

स्पेनमा १ लाख २६ हजार १ सय ६८ जना संक्रमित रहेकाछन् भने ११ हजार ९ सय ४७ जनाको ज्यान गएको छ । इटालीमा १ लाख २४ हजार ६ सय ३२ जना संक्रमित छन् भने १५ हजार ३ सय ६२ जनाको ज्यान गएको छ ।

छिमेकी भारतमा हालसम्म ३ हजार ५ सय ८८ जनामा संक्रमण देखिएको छ भने ९९ जनाको ज्यान गएको छ ।