नेकपा माओवादीको महाधिवेशन अन्तर्गत निर्वाचन तालिका प्रकाशित, आज उम्मेदवारी दर्ता, भोलि मतदान
काठमाण्डौं, २०७८ पुस १७ गते शनिबार । नेकपा माओवादी केन्द्रमा नयाँ नेतृत्व चयन निर्वाचनबाटै हुने भएको छ । माओवादी केन्द्रले पहिलो पटक प्रतिस्पर्धामार्फत नयाँ नेतृत्व चयनको प्रक्रिया सुरु गरेको छ ।
अपरान्ह ४ बजेसम्म मतदाता उपर दावी बिरोधको समय, मतदाता नामावलीमा दावी बिरोधको सुचना ४:१५ बजेसम्म, ४:५० सम्म दाबी बिरोध माथी अन्तिम निर्णय लिएसँगै मतदाता नामावली सार्वजनिक हुनेछ ।
यसैगरी, उम्मेदवार मनोनयनको प्रक्रिया भने आजै साँझ ८ बजे देखी सुरु हुनेछ भने भने राति १०:३० मा उम्मेदवार मनोनयन पछिको सूची सार्वजनिक गरिने निर्वाचन समितिले जनाएको छ ।
राति १०:३० मा उम्मेदवारी सूची सार्वजनिक गरे लगत्तै आइतबार बिहानबाट उम्मेदवारको बिरोधमा उजुरी दिन समय बिहान ८:०० देखि ८:३० सम्म तोकिएको छ । साथै, उम्मेदवारको बिरोधमा परेको उजुरीको सूचना ८:३५ मा निर्वाचन समितिले दिने छ ।
उक्त उजुरी उपर निर्वाचन समितिले छानबिन भने बिहान ८:४० देखि ९:०० बजेसम्म गर्नेछन र ९:१० बजे उम्मेदवारको नामावली सार्वजनिक गर्नेछ । ९:३० देखी ११ बजेसम्म उम्मेदवारी फिर्ता लिने समय समितिले दिएको छ ।
बिहान १:४५ मा उम्मेदवारको अन्तिम नामावली सार्वजनिक भएलगत्तै ११:३० वाट मतदान प्रक्रिया सुरु भई ४ बजेसम्ममा सम्पन्न गर्ने निर्वाचन समितिले तालिका सार्वजनिक गरेको छ । नेपाल टेलिभिजन
