नेपाली कांग्रेसको प्रदेश २ सभापतिमा कृष्णा राय यादव विजयी

काठमाण्डौं, २०७८ पुस ९ गते शुक्रबार । नेपाली कांग्रेसको प्रदेश-२ सभापतिमा कृष्णा राय यादव विजयी हुनुभएको छ । उहाँले प्रदेश-२ का भौतिक पूर्वाधार विकास मन्त्री रामसरोज यादवलाई पराजित गर्नु भएको हो ।

बिहान सम्पन्न मतगणनाको अन्तिम परिणामअनुसार शेरबहादुर देउवा समूहका कृष्णा राय यादवले ९ सय ९६ मत ल्याउनु भएको छ भने रामसरोज यादवले ८ सय ५५ मत पाउनु भएको छ । विमलेन्द्र निधि र शेखर कोइराला समूहले रामसरोजलाई उम्मेदवार बनाएको थियो ।

प्रदेश-२ मा कुल १ हजार ९३८ मतदातामध्ये १ हजार ८८१ मत खसेको थियो । अन्य पदाधिकारीको मतगणना आजदेखि सुरु हुने कांग्रेसको प्रदेश निर्वाचन समितिले जनाएको छ ।