विश्वका विभिन्न नेताका गोप्य धन र साठगाँठको खुलासा

करिब ३५ वर्तमान र पूर्वनेता तथा ३०० भन्दा बढी सार्वजनिक अधिकारीका विवरण ‘प्यान्डोरा पेपर्स’ नाम दिइएको देशबाहिर कर छल्ने हिसाबले स्थापना गरिएका अफशोर कम्पनीहरूका फाइलमा फेला परेको छ।

ती कागजपत्रले जोर्डनका राजाले यूके र अमेरिकाका सम्पत्तिबाट ७० मिलिअन पाउन्ड गोप्य रूपमा जम्मा गरेको देखाउँछ। त्यसबाहेक पूर्वब्रिटिश प्रधानमन्त्री टोनी ब्लेयर र उहाँकी श्रीमतीले लन्डनस्थित कार्यलय खरिद गर्दा सम्पत्ति खरिदसम्बन्धी करबाट ३ लाख १२ हजार पाउन्ड जोगाएको भनिएको छ।

उहाँहरूले उक्त भवन खरिद गर्ने एउटा अफशोर कम्पनी नै किन्नु भएको थियो । चुहिएका दस्तावेजहरूले रुसी राष्ट्रपति भ्लादिमिर पुटिनको सम्बन्ध मोनाकोमा रहेको गोप्य सम्पत्तिमा देखाउँछ।