ग्रामथान गाउँपालिकाको अध्यक्षमा माओवादी केन्द्रका उम्मेदवार माझी विजयी

भिओके समाचार/विराटनगर, २०८१ मंसिर १७ गते सोमबार । मोरङको ग्रामथान गाउँपालिकाको अध्यक्ष पदमा नेकपा (माओवादी केन्द्र) का उम्मेदवार नमोनारायण माझी ६ हजार ९ सय ६९ मत ल्याएर निर्वाचित हुनुभएको छ ।

आइतबार सम्पन्न उपनिर्वाचनमा उहाँका निकटतम् प्रतिस्पर्धीमा नेपाली कांग्रेसका बलराम सरदार थारुले ५ हजार ३ सय ३३ मत ल्याउनुभएको सहायक निर्वाचन अधिकृत रामराज पौडेलले जानकारी दिनुभयो । गत असार ३ गते ग्रामथानका तत्कालीन अध्यक्ष जयप्रकाश गच्छदारको निधनपछि उपनिर्वाचन भएको हो ।

ग्रामथानको उपनिर्वाचनलाई नेकपा माओवादी केन्द्रले प्रतिष्ठाको रुपमा हेरेको थियो । संघीय संसदका लागि मोरंगका सांसद अमनलाल मोदीले यस निर्वाचनमा पार्टीलाई विजयी गराउन महत्वपूर्ण भूमिका निर्वाह गरेको स्थानीयहरु बताउँछन् ।