भारतद्वारा पाकिस्तानमाथि ‘असावधानीवश’ क्षेप्यास्त्र प्रहारको घटना

दिल्लीले यो निकै “पश्चात्तापपूर्ण” घटना भएको बताउँदै र दुर्घटनामा परी कसैको पनि मृत्यु नभएकोमा राहत व्यक्त गरेको छ।

पाकिस्तानी सेनाले पूर्वी सहर मियाँ चान्नु नजिकै एक “उच्च गतिमा उडेर आएको वस्तु” दुर्घटनाग्रस्त भएको र त्यसको उडान मार्गले यात्रुहरूको उडानलाई जोखिममा पारेको बताएको छ।

यी दुवै देशसँग पारमाणविक अस्त्रहरू छन्।

भारतको रक्षा मन्त्रालयले जारी गरेको एक विज्ञप्तिमा लेखिएको छ, “सन् २०२२ को मार्च ९ मा नियमित मर्मत सम्भारको क्रममा देखिएको प्राविधिक समस्याले क्षेप्यास्त्रको आकस्मिक प्रहार निम्त्यायो। यसप्रति भारत सरकारको गम्भीर ध्यानाकर्षण भएको छ र घटनाबारे सोधपुछका लागि उच्च स्तरीय अदालतलाई आदेश दिएको छ।”