प्रतिनिधि सभाको बैठक एमसीसी पेश गरे लगत्तै फागुन १२ गतेसम्मको लागि स्थगित

काठमाण्डौं, २०७८ फागुन ८ गते आईतबार । आज दिउसो १ वजे बसेको प्रतिनिधिसभाको बैठक अमेरिकी सहयोग परियोजना मिलेनियम च्यालेन्ज कर्पोरेशन (एमसीसी) सम्झौता संसदमा पेश भए लगत्तै फागुन १२ गतेसम्मका लागि स्थगित भएको छ ।

आइतबारको प्रतिनिधिसभा बैठकमा अर्थ मन्त्रालयको तर्फबाट सञ्चार तथा सूचना प्रविधिमन्त्री ज्ञानेन्द्रबहादुर कार्कीले अमेरिकी सहयोग सम्बन्धी सम्झौता अनुमोदनका लागि संसद् बैठकमा पेश गर्नुभएको हो ।

एमसीसी सम्झौता पेश भए लगत्तै सभामुख अग्निप्रसाद सापकोटाले प्रतिनिधिसभाको बैठक स्थगित गर्नुभएको हो । अर्को बैठक फागुन १२ गते बिहीबार दिउँसो १ बजे बस्नेछ ।