बल्ल पायो मन्त्रीपरिषद्ले पूर्णता

काठमाण्डौं, २०७८ असोज २२ गते शुक्रबार । प्रधानमन्त्री शेरबहादुर देउवा नेतृत्वको सरकारले बल्ल तल्ल पूर्णता पाएको छ । शुक्रबार राष्ट्रपति विद्यादेवी भण्डारीले आज प्रधानमन्त्री शेरबाहादुर देउवाको नेतृत्वमा गत असार २९ गते गठित मौजुदा मन्त्रिपरिषद्मा नेपालको संविधानको धारा ७६ को उपधारा ९ तथा धारा ७८ को उपधारा १ बमोजिम प्रधानमन्त्रीको सिफारिसमा मन्त्रिपरिषद् गठन गर्नुभएको छ । प्रधानमन्त्री शेरबहादुर देउवाकाे नेतृत्वमा सरकार गठन भएकाे ८८ दिनपछि मन्त्रिपरिषद्ले पूर्णता पाएकाे हाे ।

यसैबीच नवनियुक्त मन्त्री तथा राज्यमन्त्रीले पद तथा गोपनीयताको शपथ लिनुभएको छ । नियुक्त भएका १६ मन्त्रीलाई आजै राष्ट्रपति विद्यादेवी भण्डारीले शीतल निवासमा पद तथा गोपनीयताको शपथ ग्रहण गराउनुभएको हो ।

यस्तै आजै नियुक्त भएका दुई राज्यमन्त्रीलाई प्रधानमन्त्री शेरबहादुर देउवाले पद तथा गोपनीयताको शपथ ग्रहण गराउनुभएको छ ।

मन्त्रीहरुको कार्यविभाजन यस प्रकार रहेको छ ।

साथै सम्माननीय प्रधानमन्त्री श्री शेरबहादुर देउवाज्यूसमक्ष देहाय बमोजिमका नवनियुक्त माननीय राज्यमन्त्रीज्यूहरूले नेपालको संविधानको धारा ८० बमोजिम राज्यमन्त्री पदको पद तथा गोपनीयताको शपथ लिनु भएको छ ।