पूर्व न्यायाधीश पाण्डेको निधनका कारण आज सर्वोच्च अदालत बन्द

काठमाडौं, २०७७ माघ २७ गते मंगलबार

पूर्व न्यायाधीश इन्द्रराज पाण्डेको निधनका कारण आज सर्वोच्च अदालत बन्द हुने भएको छ । अदालत बन्द भएसँगै प्रतिनिधि सभा विघटन सम्बन्धी मुद्दाको सुनुवाइ बुधवार हुने सर्वोच्च अदालतले जनाएको छ ।

सोमवार प्रधानमन्त्रीका तर्फबाट वरिष्ठ अधिवक्ताहरू महेश नेपाल, विष्णु भट्टराई, रविनारायण खनाल र अधिवक्ताहरू लोकनाथ खरेल, मुकुन्द अधिकारी, भोजराज आचार्य, शान्तिदेवी खनाल, अनन्तराज लुइँटेल, मुना लामिछाने, चन्द्रप्रकाश रेग्मी र ईश्वरी भट्टराईले बहस गर्नुभयो ।

बहसमा उहाँहरूले संविधानमा ५ वर्ष सम्म प्रतिनिधिसभा विघटन गर्न नपाउने भन्ने कतै उल्लेख नभएको बताउनुभयो । प्रतिनिधिसभा विघटन कानुन व्यवसायीहरूले प्रधानमन्त्रीको विशेष अधिकार भएको जिकिर गर्नुभयो ।