पञ्चकन्या आ. विद्यालयका बालबालिकाहरुलाई स्टेसनरी सामाग्री वितरण (फोटो फिचर)

महेश भट्टराई/झोराहाट, २०८१ पुस १९ गते शुक्रबार ।  लियो क्लव अफ विराटनगर युनिक र लायन्स क्लव अफ विराटनगर युनिकको सहयोगमा विराटनगर महानगरपालिका वडा नं. १९ घिनाघाट चौकस्थित पञ्चकन्या आ. विद्यालयका १०५ जना भन्दाबढी बालबालिकाहरुलाई स्टेसनरी सामाग्री वितरण गरिएको छ ।

बिहीबार ती संस्थाका प्रतिनिधीहरुले विद्यालयमा अध्ययनरत बालबालिकाहरुलाई स्टेसनरी सामाग्रीहरु जस्तै:  कापी, कलम, पेन्सिल, इलेजर आदि सामाग्री वितरण गरेका हुन् । कार्यक्रममा विद्यालय व्यवस्थापन समितिका अध्यक्ष भोजराज जमरकट्टेल, प्रधानाध्यापक चन्द्र बहादुर रेग्मी लगायतले विद्यालय र विद्यार्थीलाई सहयोग गर्ने संघसंस्थाप्रति हार्दिक आभार प्रकट गर्दै आगामी दिनमा पनि सहयोगको अपेक्षा समेत गर्नुभयो ।

यस  विद्यालयमा  अध्ययनरत  ९९ प्रतिशत  बालबालिकाहरु दलित समुदायका  छन् । यस अघि यो विद्यालयमा विद्यार्थी संख्या न्यून रहेकोमा विद्यालयका व्यवस्थापक समितिका अध्यक्ष युवा आएपछि  विद्यालयमा अहिले विद्यार्थीको संख्या वृद्धि भएको छ । विद्यालयमा  अहिले नर्सरी देखि अंग्रेजी माध्यममा पढाइ भइरहेको छ । विद्यालयका व्यवस्थापक अध्यक्ष जमरकट्टेलले स्वयम् आफ्नी छोरीलाई समेत यहीँ विद्यालयमा पढाउँदै आउनुभएको छ ।