सी चिनफिङ र फङ लियुआनले अमेरिकाको वाशिङटन राज्यको माध्यमिक स्कूलका शिक्षक र विद्यार्थीका प्रतिनिधिलाई नयाँ वर्षको शुभकामना कार्ड पठाउनुभएको

काठमाण्डू, २०८१ पुस १८ गते बिहीबार । जनवरी १ तारिख राष्ट्राध्यक्ष सी चिनफिङ र उहाँकी पत्नी फङ लियुआनले अमेरिकाको वाशिङटन राज्यका माध्यमिक स्कूलका शिक्षक तथा विद्यार्थीका प्रतिनिधिले पठाएको नयाँ वर्षको शुभकामना कार्ड प्राप्त भएपछि उनीहरूलाई पनि नयाँ वर्षको शुभकामना कार्ड पठाउँदै सन् २०२५ जापानी आक्रमणविरुद्धको चिनियाँ जनयुद्ध र विश्व फासिस्ट विरोधी युद्धमा प्राप्त विजयको ८०औँ वार्षिकोत्सव भएको पनि उल्लेख गर्नुभएको छ। उहाँहरूले दोस्रो विश्व युद्धको समयमा चीन र अमेरिकाले शान्ति र न्यायका लागि लडेको र दुई देश बीचको मित्रता रगत र आगोको परीक्षाको सामना गर्दै अनन्त रहेको व्यक्त गर्नुभएको छ। चीन र अमेरिकाका युवाले “आगामी पाँच वर्षमा आदानप्रदान र अध्ययनका लागि ५० हजार अमेरिकी युवालाई चीनमा आमन्त्रित गर्ने” पहलमा सक्रिय सहभागिता जारी राख्ने, आदानप्रदान र अन्तरक्रियालाई सुदृढ गर्ने, पारस्परिक समझदारी बढाउने, परम्परागत मित्रताको उत्तराधिकारी बन्ने गरी चीन-अमेरिका सम्बन्धको विकास र विश्व शान्ति प्रवर्द्धन गर्न योगदान गर्ने आशा लिएको पनि उहाँहरूले बताउनुभयो। सीजीटिएन