सी चिनफिङ शाङ्हाई सहयोग संगठनको २४औँ शिखर सम्मेलनमा भाग लिन र कजाकिस्तानको राजकीय भ्रमण गर्न अस्तानामा
काठमाण्डू,२०८१ असार १८ गते मंगलबार । चीनका राष्ट्राध्यक्ष सी चिनफिङ कजाकिस्तानको राजधानी अस्ताना पुग्नु भएको छ ।
काजकिस्तान गणतन्त्रका राष्ट्राध्यक्ष टोकाइभको निमन्त्रणामा स्थानीय समयअनुसार जुलाई २ तारिख दिउँसो राष्ट्राध्यक्ष सी चिनफिङ शाङ्हाई सहयोग संगठनका सदस्य राष्ट्रप्रमुखहरू परिषद्को २४औँ शिखर सम्मेलनमा भाग लिन र कजाकिस्तानको राजकीय भ्रमण गर्न विशेष विमानबाट अस्ताना पुग्नुभएको हो।
चाईना मिडिया ग्रुपका अनुसार राष्ट्राध्यक्ष सीको विशेष विमान कजाकिस्तानको हवाई क्षेत्रमा प्रवेश गरेपछि कजाकिस्तानका दुई लडाकू विमानले उहाँको विमानलाई सुरक्षा दिएको थियो।
सी चिनफिङले अस्ताना विमानस्थलमा चीन सरकार र जनताको तर्फबाट कजाकिस्तानका जनतालाई हार्दिक अभिवादन र शुभकामना व्यक्त गर्दै लिखित सम्बोधन गर्नुभएको छ ।
सो सम्वोधनमा सी चिनफिङले भन्नुभयो, “चीन-काजाकिस्तान मित्रताको लामो इतिहास छ। ११ वर्ष पहिले पहिलो पटक कजाकिस्तानमा ‘सिल्क रोड इकोनोमिक बेल्ट’ संयुक्त रूपमा निर्माण गर्ने पहल प्रस्ताव गरेको थिएँ। हाल चीन र कजाकस्तानले“बेल्ट एण्ड रोड” इनिसिएटिभको संयुक्त निर्माणमा फलदायी नतिजा हासिल गरेका छन्। म चीन-काजाकिस्तान सम्बन्ध र साझा चासोका अन्तर्राष्ट्रिय तथा क्षेत्रीय मुद्दाहरूमा राष्ट्रपति तोकायेभसँग गहिरो विचार आदानप्रदान गर्न उत्सुक छु, जसले गर्दा चीन-काजाकिस्तान स्थायी व्यापक रणनीतिक विकासको लागि नयाँ खाका तयार गर्न सकिन्छ।”
