माध्यमिक शिक्षा परीक्षा (एसईई) स्थगित
काठमाडौं, २०७६ चैत ५ गते बुधबार
सरकारले भाेलिबाट सञ्चालन हुने माध्यमिक शिक्षा परीक्षा (एसईई) स्थगित गरेकाे छ । परीक्षा स्थगित भएकाे प्रधानमन्त्रीकाे मुख्य सल्लाहाकार विष्णु रिमालले जानकारी दिनुभएको हो।
एसईई परीक्षा चैत ६ गते बिहीबारदेखि सञ्चालन गर्ने तयारी गरेकाे थियाे । एसईई परीक्षा चैत ६ गतेदेखि तोकिएको थियो । स्थगित परीक्षा कहिले सञ्चालन गर्ने भन्ने सरकारले निर्णय गरेको छैन ।
यस वर्ष करिब ५ लाख भन्दा बढी विद्यार्थीले एसईई परीक्षा दिँदै थिए । बुधबार अपरान्ह बसेको कोभिड १९ रोकथाम तथा नियन्त्रण उच्च स्तरीय समितिले एसई परीक्षा स्थगित नगर्ने र सबै परीक्षा केन्द्रमा हेल्थ डेस्क राख्ने निर्णय गरेको थियो ।
तर लगत्तै बसेको नेपाल कम्युनिस्ट पार्टी (नेकपा)को सचिवालय समितिको बैठमा नेताहरुले एसईई परीक्षा स्थगित गर्नुपर्ने धारणा राखेपछि उच्च स्तरीय समिति संयोजक तथा उपप्रधानमन्त्री ईश्वर पोखरेलले बुधबार कै निर्णय हुने गरी एसईई स्थगित भएको जानकारी दिनुभएको हो । गोरखापत्र अनलाईनबाट
