पछिल्लो २४ घण्टामा १० हजार ७ सय ३ जना कोभिड संक्रमित थपिए

काठमाण्डौं, २०७८ माघ ७ गते शुक्रबार । पछिल्लो २४ घण्टामा १० हजार ७ सय ३ जनामा कोरोना संक्रमण पुष्टि भएको छ ।  २३ हजार ९२ नमुनाको परीक्षण गर्दा १० हजार ७ सय ३ जनामा संक्रमण देखिएको हो । संक्रमणका कारण आज ३ जनाले ज्यान गुमाएका छन् ।

योसँगै नेपालमा कोभिड संक्रमणका कारण मृत्यु हुनेको संख्या ११ हजार ६ सय ३५ पुगेको छ । त्यस्तै आज ७ सय ६६ जना संक्रमणमुक्त भएका छन् । योसँगै नेपालमा कोभिड १९ का सक्रिय संक्रमितको संख्या ६५ हजार ३ सय ७४ पुगेको स्वास्थ्य तथा जनसंख्या मन्त्रालयले जनाएको छ ।