पछिल्लो चौविस घण्टामा थप नौ हजार ७० जनामा कोरोना सङ्क्रमण, ५४ जनाको मृत्यु

काठमाडौं, २०७८ बैशाक २३ गते बिहीबार । नेपालमा पछिल्लाे २४ घण्टामा नाै हजार ७० जनामा काेराेना भाइरसकाे सङ्क्रमण पुष्टि भएकाे छ । २० हजार तीन सय ६७ जनाकाे पीसीआर परीक्षण गर्दा आठ हजार नाै सय ७० जना र सात सय ७५ जनाकाे एन्टिजेन परीक्षण गर्दा एक सय जनामा सङ्क्रमण पुष्टि भएकाे स्वास्थ्य तथा जनसङ्ख्या मन्त्रालयले जनाएकाे छ । याेसँगै नेपालमा काेराेना सङ्क्रमण पुष्टि हुनेकाे सङ्ख्या तीन लाख ६८ हजार पाँच सय ८० पुगेकाे छ ।

यस्तै पछिल्लाे २४ घण्टामा दुई हजार सात सय सात जना निकाे भएसँगै सङ्क्रमणमुक्त हुनेकाे सङ्ख्या दुई लाख ९२ हजार चार सय ९० पुगेकाे छ ।

पछिल्लाे २४ घण्टामा सङ्क्रमणबाट ५४ मृत्यु भएको छ । याेसँगै मृत्यु हुनेहरुको सङ्ख्या तीन हजार पाँच सय २९ पुगेकाे छ । आज देशभर ७२ हजार पाँच सय ६१ जना सक्रिय सङ्क्रमित छन् ।