चीनको तिब्बतबाट अरनिको समाजलाई महामारी रोकथाम स्वास्थ्य सामग्री प्राप्त
काठमाडौं, २०७७ माघ १७ गते शनिबार
चीनको स्वायत्त प्रदेश तिब्बतबाट अरनिको समाजलाई कोरोना भाइरस महामारी रोकथाम सम्बन्धि स्वास्थ्य सामग्रीहरु प्राप्त भएकाछन् ।
तिब्बतको वैदेशिक मुलुकहरुसँगको जनमैत्री संघले दोश्रो पटक कोभिड-१९ महामारी रोकथामका स्वास्थ्य सामग्री अरनिको समाजलाई प्रदान गरेको हो । प्राप्त स्वास्थ्य सामग्रीहरुमा मास्क, पिपिई (व्यक्तिगत स्वास्थ्य रक्षा सामग्री) आदि रहेका छन् । दाताको अनुरोध बमोजिम अरनिको समाजले ती सामग्रीहरु नेपाल सरकार मातहत रहेका विभिन्न अस्पतालहरुलाई हस्तान्तरण गरेको छ ।
स्वास्थ्य सामग्री हस्तान्तरण गरिएका अस्पतालहरुमा वीर अस्पताल, राष्ट्रिय ट्रमा सेन्टर, परोपकार मातृ तथा महिला अस्पताल, प्रहरी प्रभाग काठमाडौं, भक्तपुर, ललितपुर र ट्राफिक कार्यालय रहेकाछन् ।
अरनिको समाजका निवर्तमान महासचिव सुशिल प्रजापतिका अनुसार तिब्बतको वैदेशिक मुलुकहरुसँगको जनमैत्री संघले यस अघि सन् २०२० मा पनि यस्तै स्वास्थ्य सामग्रीहरु प्रदान गरेको थियो । ति सामग्रीहरुलाई अरनिको समाजका सदस्यहरु र सदस्यहरु कार्यरत सरकारी तथा निजी अस्पतालहरुलाई प्रदान गरिएको थियो ।
अरनिको समाज चीनका विभिन्न विश्व विद्यालयहरुमा अध्ययन पुरा गरि फर्केका नेपालीहरुको गैह् सरकारी संस्था हो । हाल यस संस्थामा झण्डै ५ सय जति सदस्यहरु रहेका छन् ।
