जनैपूर्णिमा तथा रक्षा बन्धनको रमझम (फोटो फिचर)

दाङको घोराही उपमहानगरपालिका-१८ स्थित कटुवा खोलाको शङ्खे पिपलघाटमा शनिवार बिहान जनै पूर्णिमाको अवसरमा स्नान गर्दै स्थानीय। यस दिन जनै लगाउनेहरूले ऋषिको सम्झना गर्दै जलाशय, नदी, ताल, तलाउ वा पोखरीमा गई माटो, गोबर, कुश, खरानी र अपमार्गले स्नान गरी, विशेष मन्त्रद्वारा मन्त्रिएको नयाँ जनै धारण गर्ने परम्परा छ। तस्बिर : कुलदीप न्यौपाने / रासस

पोखरा महानगरपालिका-६स्थित केदारेश्वर मन्दिर परिसरमा शनिबार बिहान जनैपूर्णिमाको अवसरमा जनै मन्त्रँदै ब्राह्मणहरु । तस्बिर : राधिका कँडेल / रासस

नवलपरासी (बर्दघाट-सुस्तापूर्व)को गैँडाकोटमा रहेको शिव पाञ्चायन मन्दिरमा विधिपूर्वक मन्त्रद्वारा शुद्ध पार्न राखिएका यज्ञोपवीत अर्थात जनै र रक्षा सुत्रहरु । जनै पूर्णिमा पर्वमा नयाँ जनै फेर्ने र दाहिने हातको नाडीमा रक्षासुत्र धारणा गर्दा नकारात्मक शक्तिबाट सुरक्षा प्राप्त हुने धार्मिक विश्वाँस छ । तस्बिरः टेकराज पोखरेल/रासस

पशुपतिनाथ मन्दिरको बागमती नदी किनारमा शनिबार जनै पूर्णिमाका अवसरमा पुरोहितबाट डोरो (रक्षासूत्र) बाँध्दै सर्वसाधारण । तस्बिर : हरिराम भेटुवाल / रासस

दाङ, २४ साउनः दाङको घोराही उपमहानगरपालिका-७ स्थित श्री माता पवित्रादेवी साँग्वेद विद्यालय उत्तरवाहिनी क्षेत्र, सुक्वारीमा अध्ययनरत वटुकहरूले शनिवार जनै पूर्णिमा तथा रक्षाबन्धनको अवसरमा घोराही बजारको बीपी चोकमा सर्वसाधारणलाई रक्षासूत्र बाँध्दै। तस्बिरः कुलदीप न्यौपाने/रासस

इनरुवा (सुनसरी), २४ साउनः मिथिला क्षेत्रमा राखी पर्वको अवसरमा सुनसरी सदरमुकाम इनरुवा–३ मा शनिबार दिदीबहिनीले दाजुभाइलाई राखी (रक्षा)सूत्र बाँडी दिनुहुँदै । तस्बिरः अजितकुमार झा/रासस

जनैपूर्णिमा तथा रक्षा बन्धनको रमझम (फोटो फिचर)

सम्बन्धित समाचार

बढ्दो सम्बन्धविच्छेद : अधिकारको उपयोग कि विकृति ?

गुल्मीमा चरा प्रजातिको सङ्ख्या ३५५ पुग्यो

वैशाख शुक्ल तृतीयाः आज अक्षय तृतीया पर्व मनाइँदै