दक्षिण कोरियासँग वार्ताको कुनै कारण छैन : उत्तर कोरिया   

सियोल । उत्तर कोरियाका नेता किम जोङ उनकी शक्तिशाली बहिनीले सोमबार कोरियाको दक्षिणसँग संवाद अगाडि बढाउने कुनै चासो नभएको भन्दै सम्बन्ध सुधार्ने वाचा गर्नुभएका सियोलका नयाँ राष्ट्रपतिलाई खारेज गर्नुभएको छ ।

जुनमा निर्वाचित भएपछि दक्षिण कोरियाली राष्ट्रपति ली जे म्युङले उत्तर कोरियाप्रति आफ्ना पूर्ववर्तीको कडा स्वर छाड्नुभएको छ र सीमामा लाउडस्पिकर प्रचार प्रसारण बन्द गर्नुभएको छ । यो उत्तर कोरियाली फोहोरले भरिएका बेलुनहरूको वर्षाको जवाफमा सुरु गरिएको थियो ।

उत्तर कोरियाले आफ्नै प्रचार प्रसारण बन्द गरेको छ । उत्तर कोरियाले दक्षिण कोरियामा अनौठो र डरलाग्दो आवाजहरू पठाएको थियो ।

तर यस्तो हावभावको अर्थ सियोलले चिसो सम्बन्ध पग्लने अपेक्षा गर्नुपर्छ भन्ने नभएको किम यो जोङले सोमबार उत्तर कोरियाको आधिकारिक कोरियन सेन्ट्रल न्युज एजेन्सीले गरेको अङ्ग्रेजी प्रेषणमा भन्नुभयो ।

“यदि दक्षिण कोरियाले केही भावनात्मक शब्दहरू प्रयोग गरेर आफूले गरेका सबै नतिजाहरूलाई उल्ट्याउन सक्छ भन्ने आशा गरेको भए यसभन्दा गम्भीर गलत गणना अरू केही हुँदैन”, उहाँले भन्नुभयो, “हामी एक पटक फेरि आधिकारिक स्थिति स्पष्ट गर्दछौँ कि सियोलमा कुनै पनि नीति अपनाइए पनि र कुनै पनि प्रस्ताव आए पनि हामीलाई यसमा कुनै चासो छैन र न त भेट्ने कारण छ न त कोरिया गणराज्यसँग छलफल गर्ने मुद्दा छ ।

“डिपिआरके–आरओके सम्बन्ध अपरिवर्तनीय रूपमा सजातीय अवधारणाको समय क्षेत्रभन्दा बाहिर गएको छ”, उहाँले उत्तर कोरियाको आधिकारिक संक्षिप्त नाम प्रयोग गर्दै भन्नुभयो ।

सियोलले लीको पहलप्रति प्योङयाङको पहिलो प्रतिक्रियाका रूपमा किमको कथन ‘वर्षौंको शत्रुतापूर्ण नीतिहरूका कारण दुई देशबीचको उच्च स्तरको अविश्वासलाई पुष्टि गर्छ’ भनी बताएको छ ।

“हामी यसलाई उत्तर कोरियाले ली प्रशासनको उत्तर कोरिया नीतिलाई नजिकबाट निगरानी गरिरहेको सङ्केतका रूपमा लिन्छौँ”, एकीकरण मन्त्रालयका प्रवक्ता कु ब्युङ सामले पत्रकार सम्मेलनमा भन्नुभयो ।

राष्ट्रिय एकीकरणका लागि कोरिया संस्थानका वरिष्ठ विश्लेषक होङ मिनले किमको कथनले प्योङयाङको दक्षिण विरोधी अडानलाई जोड दिएको बताउनुभयो । “यसले घोषणा गर्छ कि दक्षिणप्रति यसको शत्रुतापूर्ण धारणा अपरिवर्तनीय भएको छ”, उहाँले भन्नुभयो ।

सन् १९५०–५३ को कोरियाली युद्ध शान्ति सन्धिमा नभएर युद्धविरामबाट समाप्त भएकाले दुई देश प्राविधिक रूपमा युद्धमा नै छन् ।

दक्षिण कोरियाको मुख्य सुरक्षा सहयोगी संयुक्त राज्य अमेरिकाले आणविक हतियार सम्पन्न उत्तरबाट आक्रमणहरूबाट बचाउन मद्दत गर्न दक्षिणमा लगभग २८ हजार सैनिक राखेको छ ।  एएफपी