सिरिया जतिसक्दो चाँडो स्थिरतामा फर्कने चीनको अपेक्षा
पैचिङ, २०८१ मंसिर २३ गते आइतबार । कुर्दिस इस्लामिक समूह नेतृत्वको विद्रोहीले दमास्कस कब्जा गरेको र राष्ट्रपति बसर अल असदलाई भागेको घोषणा गरेपछि चीनको विदेश मन्त्रालयले सिरिया ‘जतिसक्दो चाँडो स्थिरतामा फर्कने’ आशा व्यक्त गरेको छ ।
पैचिङले सिरियाको अवस्थालाई नजिकबाट नियालिरहेको छ र सिरिया जतिसक्दो चाँडो स्थिरतामा फर्कने आशा गरेको छ,” चिनियाँ विदेश मन्त्रालयले जारी गरेको विज्ञप्तिमा भनिएको छ ।
“चीन सरकारले सिरिया छोड्न चाहने चिनियाँ नागरिकलाई सुरक्षित र व्यवस्थित तरिकाले सक्रिय रूपमा सहयोग गरेको छ र उनीहरूसँग सम्पर्क कायम राखेको छ,” मन्त्रालयले भनेको छ।
एएफपीका अनुसार “हामी सम्बन्धित सिरियाली पक्षलाई सिरियामा रहेका चिनियाँ संस्था र कर्मचारीहरूको सुरक्षा सुनिश्चित गर्न व्यावहारिक कदम चाल्न आग्रह गर्दछौं,” विज्ञप्तिमा भनिएको छ ।
“अहिले सिरियामा रहेको चिनियाँ दूतावास हाम्रो अझै राम्रो सम्पर्क छ र हामी आवश्यक परेका चिनियाँ नागरिकलाई पूर्ण सहयोग जारी राख्नेछौं,” उहाँले भन्नुभयो ।
हालैका वर्षहरूमा रूस र इरान सिरियाका निकटतम समर्थक रहेका छन् भनेपछिल्लो समय सिरियासँग चीनको सम्बन्ध पनि बढेको छ ।
सन् २०११ मा सिरियाको गृहयुद्ध सुरु भएयता असदले भ्रमण गरेका मध्यपूर्वबाहिरका केही देशमध्ये चीन पनि एक हो ।
सन् २०२३ को उक्त भ्रमणका क्रममा चिनियाँ राष्ट्रपति सी चिनफिङ र असदले दुई देशबीच ‘रणनीतिक साझेदारी’ को घोषणा गरेका थिए ।
तर विद्रोहीको आक्रमणले देशभरि नै व्यापकता ल्याएपछि दमास्कसस्थित चिनियाँ दूतावासले बिहीबार आफ्ना नागरिकलाई ‘जतिसक्दो चाँडो’ सिरिया छाड्न आग्रह गर्दै जरूरी सूचना पठाएको छ ।
