ग्रामथान गाउँपालिका वडा नम्बर -२ काे वडा अधिवेशन सम्पन्न
महेश भट्टराई/ विराटनगर, २०७८ मंसिर ४ गते शनिबार । नेकपा माओवादी केन्द्र ग्रामथान गाउँपालिका वडा नं. २, मोरङको वडा अधिवेशन भव्य रुपमा सम्पन्न भएको छ ।
दुर्गा आधारभूत विद्यालय झङराहीमा आज सम्पन्न उक्त अधिवेशनले पुड्कलाल उराँवको अध्यक्षतामा २९ सदस्य नयाँ ग्रामथान वडा नम्बर २ को कमिटी गठन गरिएको छ । उक्त समितिको अध्यक्षमा पुड्कलाल उराँव, उपाध्यक्षमा संन्जय ऋषिदेव, कोषाध्यक्षमा सुनिता सरदार, सचिवमा सुवास लुईटेल, सह(-सचिवमा जोसेप तिग्गा रहनु भएको छ ।
त्यस्तै गरि अधिवेशनले ५ सदस्य सल्लाहकार समिति समेत गठन गरेको छ । सल्लाहकारहरूमा अर्जुन गुरागाई, बाबुराम मुडियारी, गोविन्दनाथ भट्टराई, जेठमान झाँगड र महेश भट्टराई रहनु भएको छ ।
उक्त कार्यक्रमको प्रमुख अतिथिका रूपमा मोरङ क्षेत्र नम्बर ४ सह इन्चार्ज सावित्रा अछामी, मोरङ जिल्ला कमिटी सदस्य सबिना दाहाल, ग्रामथान गाउँपालिका संयोजक रमेश कुमार भगत, सह-इन्चार्ज जोगेन्द्र उराँव, बिशिष्ठ अतिथिका रूपमा पार्टीका निर्वाचन आयोग संयोजक सोवित चौधरीको उपस्थिति रहेको थियो ।
कार्यक्रमलाई मोरङ जिल्ला कोषाध्यक्ष बाबुराम मुडियारीले संचालन गर्नु भएको थियोे । उक्त अधिवेशनका अध्यक्ष पुड्कलाल उराँवले कार्यक्रमलाई विसर्जन गर्नु भएको थियो ।
