एकै परिवारका तीन जनाको हत्या गर्ने नर बहादुर बस्नेत पक्राउ

काठमाण्डौं, २०७९ भदौं १९ गते आईतबार । उदयपुरमा एकै परिवारका तीन जनाको हत्या गर्ने नर बहादुर बस्नेतलाई प्रहरीले पक्राउ गरेको छ ।

उदयपुर, बेलका नगरपालिका-७ गोवाटार मैनामैनीमा बस्ने एकै परिवारका ३७ वर्षीय राज कुमार बस्नेत, उनकी श्रीमती ३३ वर्षीया सरिता बस्नेत र छोरा १२ वर्षीय सुजन बस्नेतको धारिलो हतियार खुकुरी प्रहार गरी हत्या गरेको अभियोगमा सोही ठाउँ बस्ने ४० वर्षीय नर बहादुर बस्नेतलाई  शुक्रबार दिउँसो प्रहरीले पक्राउ गरेको छ ।

सोही ठाउँस्थित दिलुटार वादिम खोलामा नर बहादुरले खुकुरी प्रहार गर्दा तीनै जनाको घटनास्थलमै मृत्यु भएको भन्ने खबर प्राप्त हुनासाथ जिल्ला प्रहरी कार्यालय उदयपुर, ईलाका प्रहरी कार्यालय रामपुर ठोक्सिला र ईलाका प्रहरी कार्यालय बेल्टारबाट खटिएको प्रहरीले उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।