भारतका लागि नेपाली राजदूतमा शङ्करप्रसाद शर्मा नियुक्त

काठमाण्डौं, २०७८ चैत ६ गते आईतबार । डा. शङ्करप्रसाद शर्मा भारतका लागि नेपाली राजदूत नियुक्त हुनुभएको छ ।

राष्ट्रपति विद्यादेवी भण्डारीले डा शङ्करप्रसाद शर्मालाई गणतन्त्र भारतका लागि नेपालको आवासीय राजदूतमा नियुक्त गर्नुभएको हो । नेपालको संविधानको धारा २८२ अनुसार मन्त्रिपरिषद्को सिफारिसमा राष्ट्रपतिले डा शर्मालाई उक्त पदमा आज नियुक्त गर्नुभएको हो ।

मन्त्रिपरिषद्को गत मङ्सिर १० गतेको बैठकले उहाँलाई भारतका लागि नेपाली राजदूतमा सिफारिस गरेको थियो । यसअघि उहाँ संयुक्त राज्य अमेरिकाका लागि नेपालको आवासीय राजदूत हुनुहुन्थ्यो ।