मन्त्री झाक्रीकाे पहलमा रेसुङ्गालाई १० कराेड

गुल्मी, २०७८ पुस १४ गते बुधबार । शहरी विकास मन्त्री रामकुमारी झाक्रीकाे पहलमा रेसुङ्गा विमानस्थलमा १० कराेड वजेट व्यवस्था भएकाे छ ।

निमार्णकाे अन्तिम चरणमा रहेकाे रेसुङ्गा विमानस्थलमा वजेटकाे अभावले निर्माण कार्य अवरुद्ध नहाेस भन्दै शहरी विकास मन्त्री झाक्रीले विमानस्थलका लागि १० कराेड वजेटकाे व्यवस्था मिलाउनु भएको हो । केही दिन अगाडि सस्कृती पर्यटन तथा नागरिक उड्डयन मन्त्री प्रेमबहादुर आले र शहरी विकास मन्त्री रामकुमारी झाक्रीविच भएकाे भेटघाटमा मन्त्री आलेले गुल्मीको रेसुङ्गा विमानस्थलका लागि १० कराेड वजेट व्यवस्था मिलाईदिने प्रतिवद्वता जनाउनु भएको थियो ।

शहरी विकास मन्त्री रामकुमारी झाक्रीकाे स्वकीय सचिवालयका अनुसार अघिल्लो साता माननीय शहरी विकास मन्त्री र सस्कृती पर्यटन तथा नागरिक उड्डयन मन्त्री माननीय प्रेम आलेसंग भेटघाट र छलफलवाट रेसुङ्गा विमानस्थलका लागि वजेटकाे व्यवस्था मिलाउने कुरा भएअनुसार आईतवार १० कराेड वजेट छुट्टिएकाे हाे । निर्माणधिन अवस्थामा रहेकाे रेसुङ्गा विमानस्थलकाे शहरी विकास मन्त्रीले पुस १६ गते अनुगमन समेत गर्ने कार्यक्रम रहेकाे छ ।