जाजरकोट केन्द्रविन्दू बनाएर ६.४ म्याग्निच्युडको भूकम्प 

रमेश हतुवाली काठमाण्डू, २०८० कात्तिक १८ गते शनिबार । जाजरकोटलाई केन्द्रविन्दू बनाएर शुक्रबार राति ६.४ म्याग्निच्युडको भूकम्प गएको पुष्टि भएको छ । राष्ट्रिय भूकम्प मापन केन्द्रका अनुसार राति ११ बजेर ४७ मिनेटमा जाजरकोट केन्द्रबिन्दु भएर सो भूकम्प गएको पुष्टि भएको हो ।

‘जाजरकोटको रामेडाँडा आसपास केन्द्रबिन्दु भएर गएको सो भूकम्पको धक्का काठमाण्डू उपत्यका, जनकपुर, सिन्धुली, पोखरा, बुटवल, नेपालगञ्ज, गोरखा लगायतका जिल्लामा महशुस गरिएको थियो । भूकम्प गएको केही समयपछि नै सामाजिक सञ्जाल फेसबुक प्रयोगकर्ताहरुले भूकम्प कहाँ गयो र कति क्षमताको गयो भनि जिज्ञासा राखेका थिए ।

भूकम्पबाट परेको प्रभाव र क्षतिको विवरण आउन बाँकी रहेको छ ।