मन्त्रीबाट हटाइएका कुलवीर चौधरी एमाले प्रवेश

भिओको समाचार/काठमाण्डौं, २०७९ भदौं १६ गते बिहीबार । सुदूरपश्चिम प्रदेश सरकारबाट बर्खास्त गरिएका भौतिक पूर्वाधार राज्यमन्त्री कुलवीर चौधरी नेकपा एमालेमा प्रवेश गर्नुभएको छ । एमालेका अध्यक्ष केपी शर्मा ओलीको प्रमुख आतिथ्यतामा कञ्चनपुरमा बुधबार आयोजित एमालेको पार्टी प्रवेश कार्यक्रममा चौधरी एमालेमा प्रवेश गर्नुभएको हो । चौधरीलाई पार्टी अध्यक्ष ओलीले स्वागत गर्दै पार्टी प्रवेश गराउनु भएको हो ।

एमालेबाट निर्वाचित चौधरी नेकपा एकीकृत (समाजवादी) पार्टीमा सनाखत गरेर मन्त्री हुनभएको थियो । बुधबार पार्टी प्रवेश गर्नेहरुमा नेकपा एसका पोलिटब्युरो सदस्य तथा निवर्तमान प्रदेश अध्यक्ष विक्रम शाही, पूर्वमन्त्री तारा लामा तामाङ, वेदकोट नगरपालिकाका पूर्वमेयर अशोक चन्द लगायत नेकपा एसका प्रदेश र जिल्ला कमिटीका सदस्यहरू हुनुहुन्छ ।