राष्ट्रपति भण्डारीसँग सीपीसी विदेश विभाग प्रमुखको शिष्टाचार भेट

काठमाण्डौं, २०७९ असार २९ गते बुधबार । रमेश हतुवाली/काठमाडौं । नेपाल भ्रमणमा रहनु भएका चिनियाँ कम्युनिष्ट पार्टीका विदेश विभाग प्रमुख लिउ च्यानछाओले राष्ट्रपति विद्यादेवी भण्डारीसँग शिष्टाचार भेट गर्नुभएको छ । राष्ट्रपति भवन शीतल निवासमा उहाँहरूबीच भएको भेटमा दुई देशबीचको सम्बन्ध र पारस्परिक हित तथा सहयोगका विविध विषयमा छलफल भएको थियो ।

प्रधानमन्त्री शेर बहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एमालेका अध्यक्ष केपी शर्मा ओली र नेकपा एकीकृत समाजवादीका अध्यक्ष माधव कुमार नेपालसँग भेटवार्ता गरिसक्नु भएका लिउ च्यानछाओ नेतृत्वको टोली आजै स्वदेश फर्कने कार्यक्रम रहेको छ ।