ओखलढुङ्गाको सुनकोशी-१ मा गठबन्धनको प्यानल विजयी
काठमाण्डौ, २०७९ जेठ १ गते आईतबार । ओखलढुङ्गाको सुनकोशी गाउँपालिका-१ मा गठबन्धनका उम्मेदवार विजयी हुनुभएको छ । गठबन्धनको वडा अध्यक्षका उम्मेदवार प्रकाश सापकोटाको प्यानल विजयी भएको हो । । गठबन्धनको वडा अध्यक्षका उम्मेदवार प्रकाश सापकोटाको प्यानल विजयी भएको हो ।
गोरखापत्र अनलाईनका अनुसार सापकोटा नेपाली काँग्रेसको तर्फबाट वडा अध्यक्षका उम्मेदवार बन्नुभएको थियो । नेकपा एमालेको तर्फबाट वडा अध्यक्षका उम्मेदवार बन्नुभएका सहदेव गिरीलाई दुई सय ९९ मतले पछि पार्दै सापकोटा वडा अध्यक्षमा विजयी हुनुभएको हो । सापकोटाले ६ सय ५० र गिरीले तीन सय ५१ मत प्राप्त गर्नुभएको छ ।
स्वतन्त्र तर्फका वडा अध्यक्षका उम्मेदवार दुर्गाहरी राईले १०० मत प्राप्त गर्नुभएको छ । खुला सदस्य नेपाली कांग्रेसका ढुण्डीराज पहाडी, माओवादी केन्द्रका दुर्योधन राई, महिला सदस्य जमुना घिमिरे र दलित महिला सदस्यमा भिममाया विक विजयी हुनुभएको छ ।
