स्थानीय निर्वाचनमा १ लाख ५३ हजार २ सय २० जना उम्मेदवार

काठमाण्डौ, २०७९ बैशाख १७ गते शनिबार । यही वैशाख ३० गते हुने स्थानीय तह निर्वाचनका लागि ७ सय ५३ वटा पालिकामा १ लाख ५३ हजार २ सय २० जनाको उम्मेदवारी कायम भएको छ । शुक्रबार वेलुकी निर्वाचन आयोगले उम्मेदवारहरूको नामावली प्रकाशन गरेको हो ।

मनोनयन दर्ता गराएकाहरूले उम्मेदवारी फिर्ता लिने समय शुक्रबार बेलुकी पाँच बजेसम्म थियो । उम्मेदवारी फिर्ता गर्ने समय सकिएपछि आयोगले कायम उम्मेदवारहरूको नामावली प्रकाशन गरेको हो । आयोगले वैशाख ११ र १२ गते उम्मेदवारी दर्ताको समय दिएको थियो ।