भाटभटेनीका सञ्चालक गुरुङ दुई कराेड धरौटीमा रिहा

काठमाडौं, २०७७ माघ २२ गते बिहीबार

काठमाडौंको बालुवाटारस्थित ललिता निवास जग्गा हिनामिना प्रकरणमा मुच्छिनुभएका भाटभटेनी सुपरमार्केटका सञ्चालक मीनबहादुर गुरुङ धरौटीमा छुट्नुभएको छ ।

विशेष अदालत काठमाडौंका सूचना अधिकारी नारायणप्रसाद भट्टराईले सो कुराको जानकारी दिनुभयो । व्यवसायी गुरुङ दुई करोड रुपैयाँ धरौटी बुझाएर अदालतबाट छुटेको सूचना अधिकारी भट्टराईले जानकारी दिनुभयो ।

न्यायाधीश प्रेमराज कार्की र अब्दुल अजिज मुसलमानको इजालसले गुरुङलाई धरौटीमा छाड्ने आदेश दिएको अदालतले जानकारी दिएको हाे ।

गुरुङ विरुद्ध अख्तियारले जग्गाधनीका रुपमा ११ करोड र सरकारी जग्गा कमिसनका रुपमा बकस लिएकोमा ३९ करोड विगो मागदाबी गर्दै मुद्दा दायर गरेको थियो ।