विभिन्न राजमार्गको अद्यावधिक अवस्था: कतै पूर्ण अवरोध, कतै एकतर्फी सुचारु (विवरणसहित)

बागमती प्रदेश

• बीपी राजमार्ग (काभ्रे): खुर्कोट-नेपालथोक-कटुन्जेबेंसी सडक खण्डमा सम्भावित बाढीका कारण भदौ १६ गतेदेखि अर्को सूचना नभएसम्म साँझ १९:०० देखि बिहान ०५:०० बजेसम्म १० टनसम्मका मालवाहक सवारी सञ्चालन हुनेछन्। साथै, बिहान ०४:०० बजेदेखि साँझ १८:०० बजेसम्म परिस्थितिको विचार गरी सवारी साधन सुचारु गरिने जनाइएको छ।
• त्रिशुली-मैलुङ-स्याफ्रुबेशी सडक (रसुवा): उत्तरगया गाउँपालिका-५ खाल्टेमा बाढीका कारण सडक लामो समयदेखि पूर्ण रूपमा अवरुद्ध छ। त्यस्तै, मुख्य राजमार्गका अन्य स्थानमा पनि भदौ १० देखि अर्को सूचना नभएसम्मका लागि बाटो पूर्ण अवरुद्ध छ।
• टोखा-छहरे सडक (नुवाकोट): शिवपुरी गाउँपालिका-८ घट्टेखोलामा पहिरो र बाढीका कारण भदौ १ गतेदेखि रातिको समय (२२:०० बजेदेखि बिहान ०५:०० बजेसम्म) सवारी सञ्चालनमा रोक लगाइएको छ।
• पसाङ ल्हामु सडक (नुवाकोट): वेत्रावती नगरपालिका-१० सिमटारमा बाढीका कारण भदौ १० गतेदेखि सडक पूर्ण रूपमा अवरुद्ध छ।
• पृथ्वी राजमार्ग (धादिङ):
  • बेनिघाट रोराङ गाउँपालिका-७ कृष्ण भिरमा पहिरोका कारण भदौ १४ देखि सडक पूर्ण रूपमा अवरुद्ध छ।
  • बेनिघाट रोराङ-१० जवाङखोला र शितलबजार क्षेत्रमा पहिरो पन्छाएर बाटो एकतर्फी सुचारु गरिएको छ।
• पृथ्वी राजमार्ग (चितवन): बेनिघाट रोराङ-१० जवाङखोला नजिक सडक मर्मतको काम भइरहेकाले यातायात एकतर्फी सुचारु छ।
• अरनिको राजमार्ग (सिन्धुपाल्चोक): भोटेकोशी गाउँपालिका-२ घट्टेखोलामा भदौ २५ गते बिहान आएको पहिरोका कारण सडक पूर्ण रूपमा अवरुद्ध भएको छ।

कर्णाली प्रदेश

• कर्णाली राजमार्ग (कालिकोट): शुभकालिका गाउँपालिका-१ गगने खोलामा भदौ २६ गते १८:३० बजे गएको पहिरोका कारण कर्णाली राजमार्ग पूर्ण रूपमा अवरुद्ध भएको छ।