२०८३ मंसिर ४, शुक्रवार

पोखरा विमान दुर्घटनाः ४८ वटा शव काठमाडौं ल्याईयो

पोखराको सेती नदी खोंचमा आइतबार यती एयरलाइन्सको विमान दुर्घटना हुँदा ज्यान गुमाएकाहरुको शव मङ्गलबार काठमाडौँको त्रिवि शिक्षण अस्पताल लगिँदै । तस्बिरः रोशन सापकोटा, रासस

       

काठमाण्डौं, २०७९ माघ ३ गते मंगलबार । पोखरामा आइतबार भएको यती एयरलाइन्सको विमान दुर्घटनामा निधन भएकामध्ये २५ जनाको शव काठमाडौँ ल्याइएको छ । नेपाली सेनाको एमआई-१७ हेलिकोप्टरमार्फत शव भर्खरै ल्याइएको नेपाल नागरिक उड्डयन प्राधिकरण (क्यान) ले जनाएको छ । क्यानका अनुसार बाँकी २३ शव भने अर्को हेलिकोप्टरबाट काठमाडौँ आउने क्रममा छ । दुर्घटनामा प्राप्त ७० शवमध्ये २२ वटाको सनाखत भई आफन्तलाई पोखरामा बुझाउने व्यवस्था मिलाइएको क्यानले जनाएको छ ।

पोखरास्थित सेती नदी खोंचमा आइतबार यती एयरलाइन्सको विमान दुर्घटना हुँदा ज्यान गुमाएकाहरुको पहिचान हुन नसकेपछि शव पोष्टम्याटमका लागि काठमाडौं लैजाने तयारी गरिँदै । तस्बिर : धनबहादुर गुरुङ, रासस

क्यानका प्रवक्ता जगन्नाथ निरौलाका अनुसार शव बोकेको सेनाको हेलिकोप्टर त्रिभुवन अन्तर्राष्ट्रिय विमानस्थलमा अवतरण गरेको छ । सुरुमा शिक्षण अस्पताल महाराजगञ्जमै हेलिकोप्टर अवतरण गर्ने तयारी गरिएपनि त्यहाँ हुन नसकेपछि पुनः विमानस्थलमा अवतरण भएको छ । विमानस्थलबाट शव शिक्षण अस्पतालमा लगेर परीक्षणपछि आफन्तलाई बुझाइने प्रवक्ता निरौलाले बताउनुभयो ।

थप शव लिन सोही हेलिकोप्टर पोखरा जानेछ । दुर्घटनामा बेपत्ताको खोजी कार्य आज पनि बिहानैदेखि सुरु गरिएको छ । नेपाली सेना, नेपाल प्रहरी सशस्त्र प्रहरी बल र गोताखोरसहितको टोलीले खोजीकार्य गरिरहेको क्यानले छ । रासस

Facebook Comments