प्रमुख निर्वाचन आयुक्त थपलियाद्वारा मतदान
मङ्सिर ४ गते हुने प्रतिनिधिसभा र प्रदेशसभा सदस्य निर्वाचनको सामग्री तयारी र व्यवस्थापनका सन्दर्भमा राससका प्रतिनिधिलाई अन्तर्वार्ता दिँदै प्रमुख निर्वाचन आयुक्त दिनेशकुमार थपलिया । तस्बिर : प्रदीपराज वन्त, रासस
भक्तपुर, २०७९ मंसिर ४ गते आईतबार । प्रमुख निर्वाचन आयुक्त दिनेशकुमार थपलियाले मध्यपुरथिमि नगरपालिका–१ लोकन्थलीस्थित युनिक एकेडेमीको मतदान केन्द्रबाट बिहान ७ बजे मतदान गर्नुभएको छ ।
प्रतिनिधिसभा तथा प्रदेशसभा निर्वाचनको लागि बिहान ७ बजेदेखि मतदान प्रारम्भ भएको हो । भक्तपुरको दुईवटै निर्वाचन क्षेत्रमा मतदान सुरु भएको छ ।
यसका लागि सबेरैदेखि मतदाता लामबद्ध भएका थिए । जिल्लाका सबै केन्द्रमा मतदान सुरु भएको मुख्य निर्वाचन अधिकृत गोपालप्रसाद बास्तोलाले जानकारी दिनुभयो । रासस
