भोजपुरको आमचोक गाउँपालिका ७ को वडा अध्यक्षमा माओवादीका नविन राई विजयी

काठमाण्डौ, २०७९ जेठ २ गते सोमबार । भोजपुरको आमचोक गाउँपालिका वडा नम्वर ७ को वडा अध्यक्षमा नेकपा माओवादी केन्द्रका नविन राई २ सय ८१ मत प्राप्त गर्दै विजयी हुनुभएको छ ।

राईले आफ्ना निकटतम् प्रतिद्वन्दी नेपाली कांग्रेसका उम्मेदवार नवराज राईलाई ३५ मतको अन्तरले पराजित गर्दै वडा अध्यक्ष पदमा विजयी हुनुभएको हो । नवराज राईले २ सय ४६ मत प्राप्त गर्नुभएको छ ।

नेपाली कांग्रेस र नेकपा एमालेको गठबन्धनलाई भारी मतले पराजीत गर्दै नविन राईको प्यानल नै विजय भएको हो ।

विद्यार्थी जीवन देखि नै राजनीतिमा सक्रिय राई हाल पार्टीको आमचोक गाउँपालिका सचिव एवम् अखिल क्रान्तिकारी भोजपुर जिल्ला संयोजक समेत भइसक्नु भएको छ ।

भोजपुर जिल्लाको देवान्टार गाउँपालिका वडा नम्वर ३ बसैगाउँ हाल आमचोक गाउँपालिका वडा नम्बर ७ मा जन्मिनु भएका राईले स्नातकोत्तर उत्रिर्ण गर्नुभएको छ ।