भोजपुरको हतुवागढी गाउँपालिका वडा नं.१ र ९ को वडाअध्यक्ष पदमा एमालेका उम्मेदवारहरु विजयी

काठमाण्डौ, २०७९ बैशाख ३१ गते शनिबार । भोजपुरको हतुवागढी गाउँपालिका वडा नं. १ को वडाअध्यक्ष पदमा नेकपा एमालेका उम्मेदवार कुमार विष्ट विजयी हुनुभएको छ ।

विष्टले खसेको कुल मत १ हजार ३२ मध्ये ४ सय ६९ मत प्राप्त गरि विजयी हुनुभएको हो। उहाँका निकततम प्रतिद्वन्दी गठबन्धन तर्फका उम्मेदवारले २ सय ८४ मत प्राप्त गरेका छन् ।

त्यसैगरी सोही गाउँपालिकाको वडा नं.९ को वडाअध्यक्ष मा पनि नेकपा एमाले कै उम्मेदवार सञ्जल राई विजयी हुनुभएको छ । वडा नं.९ मा राईको प्यानलै विजयी भएको हो । राईले कुल खसेको १०३२ मतमध्ये ४ सय ३८ मत ल्याई विजयी हुनुभएको हो। उहाँका निकटतम प्रतिद्वन्द्वी गठबन्धनका उम्मेदवारले ३ सय ९५ मत प्राप्त गरेका छन् ।

वडा नं. ९ को मतगणना सकिएसंगै वडा नं. २ र ८ को गणना भइरहेको निर्वाचन कार्यालय हतुवागढी घोडेटारले जनाएको छ ।