डोल्पाको जगदुल्ला गाउँपालिकामा माओवादी केन्द्र विजयी

काठमाण्डौ, २०७९ बैशाख ३१ गते शनिबार । डोल्पाको जगदुल्ला गाउँपालिकामा माओवादी केन्द्र विजयी भएको छ । एमाले, कांग्रेस र समाजवादीको गठबन्धनलाई पराजित गर्दै माओवादीका नारासिं रोकाया गाउँपालिका अध्यक्षमा विजयी हुनु भएको हो । सो गाउँपालिकाको उपाध्यक्ष पदमा पनि माओवादीकै अमृता बोहरा निर्वाचित हुनु भएको छ ।
रोकायाले ७ सय ७० मत प्राप्त गर्दा गठबन्धन तर्फका एमालेका उम्मेदवार हेमबहादुर महताराले ७ सय ४६ मत ल्याउनु भयो । उपाध्यक्षमा निर्वाचित बोहराले ७ सय ५९ मत ल्याउँदा एमालेकी चन्द्रावती थापाले ७ सय ४९ मत प्राप्त गर्नु भयो ।

६ वटा वडा रहेको यस गाउँपालिकाका २ वडामा वडा माओवादी केन्द्रले जितेको छ भने ४ वटा वडा गठबन्धनले जितेको छ । एमालेले १, ३ र ६ नम्बर वडा जितेको छ भने माओवादी केन्द्रले ४ र ५ नम्बर वडा जितेको छ । २ नम्बर वडा भने नेपाली कांग्रेसले जितेको छ ।