मध्यपुरविरुद्ध श्रीकुमारी विजयी

काठमाण्डौं, २०७८ चैत १३ गते आईतबार । सहिद स्मारक ‘बी’ डिभिजन लिगमा आइतबार सम्पन्न खेलमा श्रीकुमारी क्लबले मध्यपुर युथ एसोसियसनलाई २–१ ले पराजित गरेको छ ।

सातदोबाटोस्थित एन्फा कम्प्लेक्समा भएको खेलमा श्रीकुमारीका लागि ओमप्रकाश सिंह र राज भुसालले समान एक गोल गर्दा मध्यपुरका धिरज श्रेष्ठले एक गोल फर्काउँनु भयो ।

खेलको १४औं मिनेटमा ओमप्रकाशको गोलबाट श्रीकुमारीले अग्रता लियो । ४७ औं मिनेटमा मध्यपुरका धिरज श्रेष्ठले गोल फर्काउँदै खेल बराबरीका फर्काउनु भयो । तर, ६३ औं मिनेटमा राज भुसालले श्रीकुमारीका लागि दोस्रो गोल गर्दै जित पक्का गर्नु भयो ।

जितसँगै श्रीकुमारी तालिकाको पाँचौ स्थानमा उक्लिएको छ । नौं खेलमा दुईमा जित र सात बराबर खेलेको श्रीकुमारीले १३ अंक बनाएको छ । मध्यपुर समान खेलमा तीन जित, एक बराबर र चारमा पराजय भएर १० अंकसहित दशौं स्थानमा छ ।