जोर्डनका राजाले विदेशमा झन्डै १२ अर्बको घरजग्गा गोप्य रूपमा किनेको खुलासा

यूके त्यहाँको प्रमुख आर्थिक साझेदार हो। हालै पाँच वर्षका लागि दिइने सहायतालाई दोबर बनाउँदै यूकेले जोर्डनलाई ६५ करोड पाउन्डभन्दा बढी दिने बताएको थियो। राजा अब्दुल्लाहको चिनारी मध्यपूर्वमा पश्चिमाहरूका लागि एक जना मध्यमार्गी साझेदारका रूपमा रहेको छ ।

तर सम्पत्तिप्रति उहाँको रुचि सन् २००३ देखि २०१७ सम्म बढिरहेको देखिन्छ र यो बेला देशभित्र निरङ्कुश शासन चलाइरहेको आरोप उहाँविरुद्ध लागिरहेको छ।

सरकारी खर्च घटाउने र कर वृद्धिका निर्णयसँगै त्यहाँ हालैका वर्षहरूमा प्रदर्शन पनि भइरहेको छ। जोर्डनका अधिकारीहरूले सन् २०२० को जुनमा विदेशमा रकम पठाउने आफ्ना नागरिकहरूलाई कारबाही गरिने बताएका थिए।

सरकारप्रति असन्तुष्ट रहेका एक जनालाई उद्धृत गर्दै राजा अब्दुल्लाहले ‘रिमोट कन्ट्रोल’का सहायताले देश चलाइरहेको उल्लेख गरिएको छ। बीबीसी