राखेपका पूर्व सदस्यसचिव राणाको निधन
काठमाण्डू, २०८१ कात्तिक ९ गते शुक्रबार । राष्ट्रिय खेलकुद परिषद् (राखेप)का पूर्व सदस्यसचिव सुशील शमशेर जबराको आज निधन भएको छ । उहाँको ९१ वर्षको उमेरमा निधन भएको हो ।
राणाको आजै पशुपति आर्यघाटमा अन्तिम श्रद्धाञ्जलीसहित दाहसंस्कार भएको राखेपको प्रचारप्रसार शाखा प्रमुख खुशराज दाहालले जानकारी दिनुभयो । उहाँका अनुसार श्रद्धाञ्जली अर्पण कार्यक्रममा राष्ट्रिय खेलकुद परिषद्का विभागीय प्रमुखहरु प्रेमबहादुर मल्ल, सरोज पोखरेलसहित कर्मचाहरुको उपस्थिति थियो ।
राससका अनुसार राखेपको दोस्रो सदस्यसचिवका रुपमा राणाले छ वर्षसम्म नेपाली खेलकुदका क्षेत्रमा योगदान पु¥याउनुभएको थियो । वि.सं. २०१७ देखि विसं २०२४ सम्म राणा परिषद्को सदस्यसचिव हुनुभएको थियो ।
नेपाल ब्याडमिन्टन सङ्घको सस्थापक अध्यक्ष हुनुभएका राण हाल आजीवन मानर्थ अध्यक्षको रुपमा रहनुभएको सङ्घका अध्यक्ष रामजीबहादुर श्रेष्ठले जानकारी दिनुभयो ।
राणाको निधनप्रति राष्ट्रिय खेलकुद परिषद्ले दुःख व्यक्त गर्दै शोकाकुल परिवारमा समवेदना व्यक्त गरेको छ ।
