चीनको परराष्ट्र मन्त्रालयद्वारा जापानी प्रधानमन्त्रीको कोरोना महामारी सम्बन्धी भनाईको खण्डन
काठमाडौं, २०७७ जेठ १३ गते मंगलबार
चीनको परराष्ट्र मन्त्रालयले जापानी प्रधानमन्त्री शिन्जो आबेको कोरोना महामारी सम्बन्धी भनाईको खण्डन गरेको छ ।
परराष्ट्र मन्त्रालयका प्रवक्ता चाउ ली चेनले मंगलबार आयोजना गरिएको नियमित पत्रकार सम्मेलनमा बोल्दै जापानी प्रधानमन्त्री शिन्जो आबेको कोरोना महामारी सम्बन्धी सोमबारको भनाईको खण्डन गर्नुभएको हो । “जापानी प्रधानमन्त्री शिन्जो आबेले मे २५ तारिख सोमबार एक प्रेस सम्मेलनमा कोरोना भाइरस चीनबाट फैलिएको हो भन्नु भएको छ, यसमा तपाईको भनाई के छ” भनि सोधिएको प्रश्नमा प्रवक्ता चाउ ली चेनले नयाँ कोरोना भाइरसको उद्गम स्थल भन्ने विषय एक गम्भीर वैज्ञानिक समस्या भएकाले तथ्य र विज्ञानको आधारमा रहेर वैज्ञानिक र चिकित्सा विशेषज्ञले त्यसको अनुसन्धान गर्नुपर्ने कुरामा जोड दिनुभयो । प्रवक्ता चाउ ली चेनले भन्नुभयो राजनीतिक नियन्त्रणले वैज्ञानिक जाँचबुझमाथि दबाव नदिई एकतावद्ध भएर सहयोग गर्नु नै मानव जातिले महामारीलाई जित्ने सबैभन्दा सशक्त हतियार हो ।
चिनिया अन्तर्राष्ट्रिय रेडियो सीआरआईका अनुसार चीनले दृढताका साथ भाइरसको उद्गमस्थल सम्बन्धि समस्यालाई राजनीतिकरण र बदनामीकरण गर्ने कारवाईको कडा विरोध गरेको बताउँदै प्रवक्ता चाउले जुन कारवाई चीन र जापान दुई देश लगायत समस्त अन्तर्राष्ट्रिय समाजले संयुक्त रुपमा महामारीको प्रतिरोध गर्ने प्रयास र साझा प्रतिक्षासँग विपरीत भएको कुरा बताउनु भयो ।
हामी यस मुद्दालाई राजनीतिकरण गर्ने र अरूलाई लाजमर्दो गर्न प्रयोग गर्ने बानीको कडा विरोध गर्दछौं किनकि यो डब्ल्यूएचओ र केही अनुसन्धान संस्थाहरू र चिकित्सा विशेषज्ञहरूको पेशागत विचारको विपरित छ। यो महामारीको बिरूद्ध लड्न चीन र जापानलगायत अन्तर्राष्ट्रिय समुदायको प्रयास र अपेक्षाको बिरूद्ध पनि जान्छ। म यो जोड दिन चाहन्छु कि वैज्ञानिक निर्णयको तुलनामा अन्धाधुन्ध राजनीतिक निष्ठालाई कहिल्यै महत्त्व दिदैन। एकता र सहयोग मानवजातिको भाइरसलाई हराउनको लागि सब भन्दा शक्तिशाली हतियार हो प्रवक्ता चाउ ले भन्नुभयो ।
