नेकपा अध्यक्ष प्रचण्डद्वारा ईदुल फित्रको शुमकामना

काठमाडौं, २०७७ जेठ १२ गते सोमबार

नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ले मुस्लिम समुदायको महान् चाड ईदुल फित्रको अवसरमा शुभकामना व्यक्त गर्नुभएको छ ।

शुभकामना सन्देशमा प्रचण्डले “मुस्लिम समुदायको महान् चाड ईदुल फित्रको अवसरमा स्वदेश तथा विदेशमा रहनुभएका सम्पूर्ण नेपाली मुस्लिम दिदीबहिनी तथा दाजुभाइहरुमा हार्दिक बधाई तथा शुमकामना व्यक्त गर्दछु” भन्नु भएको छ ।

“नेपाल बहुजातीय, बहुभाषिक, बहुसाँस्कृतिक तथा बहुधार्मिक मुलुक हो । विविधता भित्रको एकता नै हाम्रो मौलिक विशेषता र पहिचान हो । बहुधर्म र संस्कृतिले नै हाम्रो समाजलाई पारस्पारिक सम्मान, सहिष्णुता र सद्भावसहित अगाडि बढ्न अभिप्रेरित गर्दछ” सन्देशमा प्रचण्डले भन्नु भएको छ ।

सन्देशमा प्रचण्डले सबै जातीय, धार्मिक र वर्गीय समुदायमा कोरोना भाइरस (कोभिड-१९) ले समानरुपले आक्रमण गरिरहेको छ । यस महामारी विरुद्धको संघर्षमा एकतावद्ध प्रतिरोधका लागि सबैमा आग्रह गर्दै ईदुल फित्र चाडको अवसरमा मुस्लिम समुदायमा सु-स्वास्थ्य र उत्तरोत्तर प्रगतिको कामना सहित शुभकामना व्यक्त गर्दछु भन्नु भएको छ ।