उद्धार तथा खोजीमा सेना सक्रिय   

काठमाण्डू, २०८१ असार २८ गते शुक्रबार । नेपाली सेनाले चितवनको भरतपुर महानगरपालिका-२९ को सिमलतालमा वीरगन्जबाट काठमाण्डू आइरहेको र काठमाण्डूबाट रौतहटको गौर गइरहेको यात्रुबाहक बस पहिरोले बगाएको खबर हुनसाथ स्थानीयको सहयोगमा उद्धारकार्य जारी राखेको छ ।

चितवनस्थित सेनाको गोताखोरसहितको फौज अन्य सुरक्षा निकायलगायतको सहयोगमा घटनापछि उद्धार तथा खोजीका लागि खटिरहेको सैनिक जनसम्पर्क तथा सूचना निर्देशनालले जनाएको छ । यसैगरी कास्की, कैलाली, कञ्चनपुर, सर्लाही, तनहुँलगायत मनसुन सुरू भएयता देशका विभिन्न स्थानमा गएको बाढीपहिराबाट प्रभावितको खोज तथा उद्धारमा समेत सेना खटिरहेको निर्देशनालयले जनाएको छ । रासस