थप ५३ जनामा काेराेना सङ्क्रमण, कुल सङ्क्रमित सङ्ख्या ३५७ पुग्याे
काठमाडौं, २०७७ जेठ ५ गते सोमबार
कोरोनाभाइरस (कोभिड-१९) काे पछिल्लाे परीक्षणअनुसार थप ५३ जनालाई सङ्क्रमण पुष्टि भएकाे छ ।
योसँगै नेपालमा सङ्क्रमित सङ्ख्या ३५७ पुगेको स्वास्थ्य तथा जनसङ्ख्या मन्त्रालयका प्रवक्ता डा. विकास देवकोटाले नियमित पत्रकार सम्मेलनमा जानकारी दिनुभएको हो ।
उहाँका अनुसार हालसम्म सङ्क्रमित सबैको स्वास्थ्य अवस्था सामान्य रहेको छ । सङ्क्रमित सबैकाे कन्ट्याक्ट ट्रेसिङ भइरहेकाे मन्त्रालयले जनाएकाे छ ।
मन्त्रालयका अनुसार बाँके जिल्लामा ४६, धुलिखेलमा चार, मोरङ र भैरहवामा एक/एक एकजनालाई सङ्क्रमण भएको हो ।
गोरखापत्र अनलाईनका अनुसार बाँकेमा ४६ पुरुष र एक महिला, भैरहवामा परीक्षण गरिएकोमा गुल्मीका ४१ वर्षीय पुरुष र धुलिखेल अस्पतालमा परीक्षण गरिएकोमा धनुषा, रौतहट, दाङ र धादिङका एक/एक जना रहेका छन् ।
सङ्क्रमितहरू १८ देखि ४६ वर्ष उमेर समूहका रहेकाे प्रवक्ता देवकाेटाले बताउनुभएकाे छ ।
