काठमाडौं, २०७७ बैशाक १४ गते आईतबार

सरकारले कोरोनाभाइरसको जोखिम नेपालमा अझैं रहेको भन्दै लक डाउन (बन्दाबन्दी)लाई वैशाख २५ गते सम्म लम्ब्याएको छ । आज साँझ बसेको मन्त्रिपरिषद् बैठकले सो निर्णय गरेको हो । 

साथै बैठकले इपीएस अन्तगर्त काेरीया जाने कामदारलाई दुबै देशका सरकारबीचकाे समझदारीमा जान दिन निर्णय समेत गरेकाे उहाँले बताउनुभयाे । साथै हवाइ उडान तथा अवतरण भने बैशाखकाे अन्तमसम्म राेक्ने निर्णय भएकाे छ । 

चैत ११ गतेदेखि शुरु भएको लक डाउन यस अघि तीनपटक थपगरि सकेको छ । चैत ११ गतेदेखि १८ गतेसम्म निर्धारण गरिएको लक डाउन चैत १६ गते सरकारले पुनः दोश्रो पटकबढाएर २५ गतेसम्म पुर्याएको थियो ।

यो अवधिमा पनि संक्रमितको संख्या नेपालमा बढेकाले वैशाख ३ गतेसम्मको लागि तेश्रो पटक लक डाउनको अवधिबढाइएको थियो । छिमेकी देश भारतमा लक डाउनको समय बढाएको र त्यहाँकोरोना भाइरसका कारणले संक्रमणबढेसँगै नेपालमा पनि बढ्न सक्ने आंकलन गर्दैै लक डाउनको अवधि चौंथो पटकमा १२ दिन बढाएर वैशाख २५ सम्म पुर्याएको हो ।

आइतबार नेपालमा थप दुई जनालाई संक्रमण भएर संक्रमित संख्या ५२ जनापुगेको छ भने १६ जनापूर्ण रुपमा निको भएर डिस्चार्ज भएकाछन् । संक्रमित अन्य ३५ जना देशका विभिन्न अस्पतालमा उपचार गराइरहनु भएको छ ।

उहाँहरु सबैको स्वास्थ्यस्थिति सामान्य रहेको स्वास्थ्य तथा जनसंख्या मन्त्रालयका प्रवत्ता डा. विकास देवकोटाले जानकारी गराउनुभएको छ । गोरखापत्र अनलाईनबाट