चीनका पहाडहरुमा रंगीचंगी लालीगुराँसको रमिता (फोटो फिचर)

भिओके समाचार/काठमाण्डू, २०८० चैत २५ गते आईतबार। बसन्तपुर (तेह्थुम), ट्याम्के (भोजपुर), घोरेपानी (म्याग्दी) लगायत नेपालका सैंयौं पहाडीक्षेत्रमा यत्तिवेला रंगीचंगी लालीगुराँसका फूलहरु मुस्कुराईरहेका छन् । नेपालमा अहिलेसम्म पनि लालीगुराँसको फूल हेर्नै भनेर त्यत्ति धेरै मानिसहरु हिँडेको भटिन्न । तर चीनको कुईचौ प्रान्तको पाईली तुच्वानस्थित झण्डै ५० किलोमिटर क्षेत्रमा फैलिएको लालीगुराँस वनमा यत्तिवेला विभिन्न जातका रंगीचंगी लालीगुराँसका फूलहरुको रमिता हेर्न दैनिक हजारौं मानिसहरु गैरहेका छन् । ती रंगीचंगी लालीगुराँसका फूलहरुले सो क्षेत्रलाई स्वर्गको वगैचाजस्तो मात्र बनाएको छैन बरु आन्तरिक तथा बाह्य पर्यटकहरुको आगमनले करोडौं रुपैयाँ आम्दानी गर्न पनि सफल भएको छ ।

त्यस क्षेत्रमा लालीगुराँसको दृश्यावलोकन गर्नका लागि विभिन्न पार्कहरु, पुलहरु र भवनहरुको निर्माण गरिएको छ । नेपालमा त अझ झण्डै ३२  प्रजाती भन्दा धेरै किसिमका लालीगुराँसहरु पाईन्छन् । के हामी पनि ती गुराँस फूल्ने क्षेत्रलाई आन्तरिक तथा बाह्य पर्यटनको मुख्य गन्तब्य बनाउँदै देशको अर्थतन्त्र उकास्न सक्दैनौं र ?

चीनको कुइचौस्थित पाईली तुच्वान क्षेत्रमा ५० किलोमिटरमा फैलिएको सुन्दर लालीगुराँसको वन फोटो फिचर

फोटो : सीआरआई