काठमाण्डौं २ को दुवै प्रदेशमा राप्रपा विजयी   

काठमाण्डौं, २०७९ मंसिर ७ गते बुधबार । राष्ट्रिय प्रजातन्त्र पार्टी (राप्रपा) ले काठमाण्डौं क्षेत्र नं २ को प्रदेशसभाको दुबै क्षेत्रमा विजय हासिल गरेको छ । प्रदेशसभाको दुबै क्षेत्रमा राप्रपाका उम्मेदवार विजयी हुनुभएको निर्वाचन अधिकृतको कार्यालयका सहायक निर्वाचन अधिकृत यज्ञराज रेग्मीले जानकारी दिनुभयो ।

प्राप्त पछिल्लो मतपरिणाम अनुसार काठमाण्डौं क्षेत्र नं २ (२) राप्रपाका राजु विष्ट १२ हजार एक सय ६३ मतले विजयी हुनुभएको हो । उहाँका प्रतिस्पर्धी नेकपा एमालेका सुवर्ण श्रेष्ठले नौ हजार ९० मत प्राप्त गर्नुभएको छ ।

यसअघि काठमाण्डौं क्षेत्र नं २ (१) मा राप्रपाका सुनिल केसीले विजयको सुरुआती खाता खोल्नुभएको थियो । केसीले पाँच हजार पाँच सय ९८ मत ल्याउनुभएको थियो ।