चिनियाँ कम्युनिष्ट पार्टीको नव निर्वाचित स्थायी समितीका पदाधिकारीहरु पत्रकार सम्मेलनमा

भिओके समाचार, काठमाण्डौं, २०७९ कात्तिक ६ गते आईतबार । चिनियाँ कम्युनिष्ट पार्टीको पैचिङमा सम्पन्न २०औ महाधिवेशनद्वारा हिजो शनिवार निर्वाचित हुनुभएका स्थायी समितीका पदाधिकारीहरु पत्रकार सम्मेलनमा सहभागी हुनुभएको छ । चीनको राजधानी पैचिङस्थित जनवृहत सभा भवनमा आयोजित स्वदेशी तथा विदेशी पत्रकार सम्मेलनमा उहाँहरु आज विहान सहभागी हुनुभएको हो ।

चाईना मिडिया ग्रुपका अनुसार पत्रकार सम्मेलनमा चिनियाँ कम्युनिष्ट पार्टीको केन्द्रीय राजनीतिक ब्युरोको सात सदस्यीय स्थायी समितिका नव निर्वाचित सदस्यहरु
सी चिनफिङ, ली छ्याङ, चाउ ल ची, वाङ हु निङ, छाइ छी, तिङ स्ये स्याङ र ली सी सहभागी हुनुभएको हो ।

२० औं महाधिवेशनले सी चिनफिङलाई ५ वर्षका लागि पुनः चिनियाँ कम्युनिष्ट पार्टीको महासचिवमा निर्वाचित गरेको छ ।