मकवानपुरमा बस दुर्घटना, ६ जनाको मृत्यु, २४ जना घाइते

काठमाण्डौं,  २०७९ असोज ६ गते बिहीबार । मकवानपुरको भीमफेदी गाउँपालिका जुरिखेतमा बस दुर्घटना हुँदा ज्यान गुमाउनेको सङ्ख्या सात पुगेको छ । उक्त घटनामा ६ जनाको घटनास्थलमै र एक जनाको भीमफेदी प्राथमिक स्वास्थ्य केन्द्रमा उपचारका क्रममा ज्यान गएको छ भने अन्य २४ जना घाइते भएका छन् ।

काठमाण्डौबाट हेटौँडाका लागि हिडेको  ना ३ ख ७८५८ नम्बरको बस भीमफेदीको ओरोलोमा सडकबाट तल खसेर दुर्घटना भएको हो । ओरालो बाटोमा माथिल्लो घुम्तीबाट खसेको बस तल्लो घुम्तीमा पुगेर अड्डिएको छ । बस दुर्घटनाग्रस्त हुँदा काठमाण्डौ जाँदै गरेको मधेस प्रदेश ०३-००१ ज ०२७१ नम्बरको जीपमा ठोक्किएको छ ।

दुर्घटनामा ज्यान गुमाएकाहरूको पहिचान खुल्न सकेको छैन । घाइतेहरूको हेटौँडाका अस्पतालमा उपचार भइरहेको छ ।